Umeendako antzerkia zapatuan

Zapatuan (urriaren 25ean), 17.00etan, Alegria, palabra de Gloria Fuertes umeendako antzezlana eskainiko du Teatro de Maltak (6 euro) Coliseoan. Margarita Blurkek eta Delfín Casetek zuzendutako lanak ia ordubete iraungo du eta taula gainean antzezle bakarrak, Marta Torresek jardungo du. Umeei benetan obra zabala eskaini zien Gloria Fuertes zenari omenaldi modukoa da antzezlana eta beraren imaginazioak eta lumak sortutako pertsonaia ezagunak berriz bizirik ikusteko tartea eskainiko dio publikoari.