2014ko Irailak 30, Asteartea. 11:00


BILATZAILEA

ROSA MARTINEZ-ALCOCER: “Antzerkiaren pozoia barrenean daramat”

Antzerki Jardunaldiek martitzenean biziko dute egunik eibartarrena. ‘Un loco de desatar (las paradojas de El Cosmico)’ antzezlana eskainiko da Coliseoan 20.30etan, eta eszenatoki gainean (Sardo), antzerkiaren zuzendaritzan (Rosa Martinez-Alcocer) eta lanaren autoretzan (Juan Sanchez Vallejo) eibartar bana ditu.

-Autore eibartarra, zuzendari eibartarra eta aktore eibartarra ditu antzezlanak. Zer irtetzen da guzti horretatik?
Hilaren 20an Antzerki Jardunaldietan ikusiko den antzezlana (barreak). Azaroan estreinatu genuen, Eibarren, eta publikoak oso ondo hartu du. Muturrera eramandako pertsonaia aurkezten da bertan, itxialdian dagoen zoro bat, eta bizitza berriaren aurrean duen beldurra erakusten du. Publikoarekin ondo enpatizatzen du eta denak identifikatzen gara pixka bat pertsonaiarekin. Bestetik, Sardok egiten duen lana nekeza da, ordubeteko monologoa, eta pertsonaiaren egoera emozional zaila irudikatzen du. Gaitza da eta, gainera, hainbat pertsonai antzezten ditu. Publikoak Sardoren lana baloratzen duela esango nuke. Orduan, nahasketa harrigarria izan da, baina lasaia (barreak).
-Sardo da antzezlaneko aktore bakarra. Zuzendari bezala, errezagoa da zuretzat horrela izatea?
Ez, ezberdina da. Komunikazio asko egon behar da zuzendaritza eta aktorearen artean horrelako kasuetan. Zorionez, gure artean konplizitate handia zegoen, antzerki-tailerretik kideak baikara. Horrek lana asko errezten du. Konplizitatea beti da garrantzisua alde bien artean, baina aktore gehiago badaude, ihesbide gehiago dago; Sardok ez du ihesbiderik izan ni ezik (barreak). Prozesua, zentzu horretan, latza (batez ere Sardorentzat) eta arina izan da era berean. Gorputzak eskatzen zigun erritmoan egin dugu lan, errespetu handiz.
-Nola sortu zen proiektua?
Sardoren ekimenez. Berak orain dela asko zeukan lan hau egiteko gogoa, Juan Sanchez Vallejo autorearen oso laguna baita. Pertsonai horiek antzezteko lan bati buruz egiten zuten berba; bizitza errealeko pertsonak direnak, Juanek izan dituen pazienteak izan baitira. ‘Kosmikoa’, Sardok egiten duen pertsonaia, Juanek ezagututako pertsonen arteko sintesia da. Imaginazio puntutxoa dauka, antzerkia izateko behar dena. Momentu batean, Sardo Eibarren zegoen eta lan egitea nahi zuen. “Zergatik ez dugu ideia hura berreskuratzen?”, esan zion Juani. Azken honek zirriborroa eginda zeukan eta Sardori eman zion. Testua konpontzen hasten dira eta Sardok deitzen dit esanez antzezlana nik zuzentzea nahi duela. Sardo eta biok Claudia Hochman zuzendari argentinarra ondo ezagutzen dugunez, testua bidali, eta berak egokitzapena egin eta dramaturgia sortzen du. Bere proposamena kontuan hartuta, gure artean talde-lana hasten dugu eta sortu zen dena. Pozik nago Sardok abentura honetan parte-hartzeko konbentzitu izanagatik.
-Antzezlan honetan zuzendari lanak egiten dituzu, baina aktorea ere bazara.
Bai, baina momentu hontan ez nabil lanean aktore bezala. Ez ditut ateak ixten, baina zuzendaritzan egotea nahiago dut azkenaldian. Aktore bezala zaudenean gehiago bidaiatu behar duzu, pertsonaia zureganatzeko prozesu batean konprometitu, eta abar. Antzezpenetik kanpo, bestetik, ordutegi egonkorragoa daukazu, bizitza bareagoa (nahiz eta antzerkian ez egon ezer oso egonkorra). Momentuaren arabera, gauza bat bestea baino nahiago duzu. Antzerkiarekin zerikusia duen edozertan aritzea gustatzen zait. Egiten dakidana da, antzerkiaren pozoia barrenean daramat eta, nik esaten dudan bezala, horrelakoa egitera kondenatuak gaude (barreak).
-Taldean hainbeste eibartar egonik, berezia izango da martitzeneko saioa?
Antzerki Jardunaldiek kalitatea, programazio osatua, publiko egonkorra eta publiko kantitate handia daukate, beraz, arrakasta izaten dute berez. Orduan, guretzat plazerra da hor parte-hartzea, antzerki-talde guztientzat gozokia baita. Eibarrera antzeztera etorri naizen bakoitzean emozionatu egin naiz, eta orain ere.

Iragarki laburrak

subir

  • 6. Denetarik

    6.3 Galdu/Aurkitu

    - Zapatu gauean Eibarren hartutako taxian nire Samsung S2 mugikorra jaso zuen mutilari: bateriarik gabe egongo da eta mesedez deituidazu. 666 32 97 28.


bajar

HAUTESKUNDEAK 2012

Elkarrizketak

subir

  • Egoitz Zapiain, kalitate arduraduna: "Sagardoaren kalitate gorenarekin batera dignifikazioa lortu nahi dugu"

    Urriaren 4an ospatuko den Sagardo Egunak hainbat berritasun dauzka aurten. Izan ere, aurretik girotzen joateko ekitaldi bi antolatu ditu …eta kitto! Euskara Elkarteak. Batetik, zapatu eguerdian Sagardo Egunaren inguruko erakusketa zabalduko da Untzagako jubilatu etxean. Urriaren 3ra arte, azken urteotako argazkiak eta sagardoa egiteko prozesuarekin lotutako azalpenak eta beste bitxikeriak ikusteko aukera egongo da, bihar eta etzi 12.00etatik 14.00etara eta aste barruan, berriz, 19.15etatik 21.15ak bitartean. Eta urriaren 1ean, eguaztenean, 19.00etan sagardo dastaketa egingo da Iruki sagardotegian, Egoitz Zapiain, Astigarragako Zapiain sagardotegiko kalitate arduradunarekin (izen-ematea doan, 943200918 telefonora deituta, hilaren 29ra arte, gehien jota 20 lagun onartuko dira).

    - Nolako saioa eskainiko duzu eguaztenean?Hiru edo lau sagardo mota eramateko asmoa daukat....


  • Gorka Tagle, Kantabriako Etxea: "Abesbatzako kideak Lambrettetan jaitsiko dira bihar"

    Bihartik (zapatua, hilak 13) aurrera Kantabriako Etxekoek Bien Aparecida amabirjinaren jaiak ospatuko dituzte eta, urteroko moduan, Kantabria aldeko musika eta bestelakoekin gozatzeko aukera egongo da herritik irtetzeko premia izan barik. Horiek antolatzen jardun duen lantaldeko kidea den Gorka Taglek kontatu dizkigu jaiaren nondik norakoak.

    - Zer prestatu duzue aurtengo jaietarako?Bihar arratsaldetik ekingo diogu egitarauari, 19.00etan...


  • Aiora Renteria (Zea Mays): "Indarrez beteriko kontzertua eskainiko dugu"

    - Nolako uda ari da izaten? Kontzertu asko ematen zabiltzate? Uda potentea izan dugu eta oraindik...


  • Antonio Herrero, maketagilea: "Planoei jarraituta, eskalan egiten ditut maketak"

    Bizitza osoa beharrean eman eta gero, jubilatzean zaletasunen bat garatzera animatzen dira asko. Horietako bat da Antonio Herrero: tailerrean beharra egiteari laga eta, libre zituen ordu horiek betetzearren, denborapasa ekin zion etxeen eta bestelako eraikinen maketak egiteari. Horietako batzuk datorren barixakuan, ekainaren 20an, 12.00etan Ipuruako jubilatu etxean inauguratuko duten erakusketan ikusteko aukera izango da, baina aurretik bere zaletasunaren inguruan berbetan egon gara.

    - Nolatan hasi zinen maketak egiten?Orain dela hamaika bat urte hasi nintzen honetan, jubilatu...


  • Arantza Alvarez, artista: "Denetarik margotzea gustatzen zait"

    Egunotan Arantza Alvarez Laskurain artista eibartarraren margoak eta eskulanak ikusteko aukera dago Topalekuan. Kolore bizi-biziak dituen erakusketa hilaren 22ra arte egongo da martxan eta ohiko ordutegiari jarraituta zabalduko dute, astegunetan 19.00etatik 21.00etara eta zapatu eta domeketan, berriz, 12.00etatik 14.00etara eta 19.00etatik 21.00etara.

    - Noiztik diharduzu margotzen?Orain dela bizpahiru urte Maite Arriagaren pintura tailerretako...


  • Joxean Goñi (El Conquistador): "Errespetuan oinarritu genituen harremanak guaranien tribuarekin"

    Eguaztenean, hilaren 11n, ...eta kitto!-k antolatutako mahai-ingurua izango da Portalean El Conquistador del Fin del Mundo ETB2ko programa arrakastatsuaren inguruan. Bertako nondik-norakoak azaltzen ahaleginduko dira Julian Iantzi aurkezlea, Jose Luis Korta kapitaina, Egoitz Txurruka “Txurru” Mallabiako lehiakidea eta Joxean Goñi zuzendaria. Portalean 19.30etatik aurrera izango denaren aurrerapen gisa, Goñik egindako galderei erantzun dizkigu.

    - “El Conquis”-aren inguruko liburua eta jokoa ere kaleratu duzue? Zergatik orain?Hamar urte...


  • Mikel Aparicio, arkitektua: "Errebal inguruarekin modu naturalean integratzen ahalegindu gara"

    Udalak Errebalen erabileren inguruan deitutako lehiaketa arkitektonikorako proposamenak jasotzeko epea amaituta, epai-mahaikideek aurkeztutakoen artean egokienak ikusi dituzten bost proiektuak hilaren erdialderako aukeratu zituzten: Errebal Ireki, Hiru Kubi, Leku Eraikina, Or Dago eta Agora Errebal, bereziki lehena gustatu zaiela azpimarratuta. Hala ere, eta lehiaketa deitu zutenean aurreratutakoari jarraituz, bost horiek jendeaurrean aurkeztuko dituzte arkitektuek: gaur (martitzena, hilak 3), 19.00etan Pleno aretoan eta bihar (eguaztena, hilak 4), ordu berean udaletxeko patioan prozesu parte-hartzailearen tailerra egingo da. Proiektu irabazlearen egileek 6.000 euroko saria jasoko dute eta udalak hori abiapuntutzat hartuko du lanak lehiaketara atera aurretik idatziko duen bete-beharrekoen orria erredaktatzeko. Errebal Ireki izeneko proposamena Ernesto Galvan Oliva, Unai Gomez Arriaran eta Mikel Aparicio Azpilicueta hirukotearena da. Azken hori lehiaketan parte hartu duen eibartar bakarra izan da eta, horregatik, zuzenean bere proposamenaren berri emateko eskatu diogu.

    - Nondik nora doa "Errebal Ireki" zuen proposamena?Hasieratik garbi ikusi genuen Errebal oso...


  • Jesus Gomez eta Mª Jose Reyes, sendagileak: "Zigarroa pizteko gogoak bakarrik minutu pare bat irauten du"

    Denok ikusi ditugu tabakoa betirako lagatzea agintzen diguten produktuak eta bestelakoak iragarkietan, baina askok ez dute jakingo gaur egun, norberaren sendagilearengana laguntza bila joanda, erretzeari lagatzen laguntzeko baliabide eta tratamenduak eskaintzen dituztela anbulategietako kontsultetan. Jesus Gomez eta Mª Jose Reyes tabakoari aurre egiten laguntzen duten sendagile horietako bi dira eta, besteak beste, orain dela urtebete abiatu ziren taldekako saioen berri eman digute.

    - Zuen kontsultara erretzeari laga nahi dion norbait ailegatzen denean, nola laguntzen...


  • Saioa Cabañas, argazkilaria: "Emarock-ek emakume musikariak agerian jarri nahi ditu"

    Maiatzaren 30ean Emarock dokumentala aurkeztuko dute Beleko tabernan, 18.30etan. Eta 20.30etan Emarock-en parte hartzen duten hiru emakume eibartar musikarik, Kokein-eko Zaloak, Napoka Iria-ko Mirenek eta Mursegoko Maitek, elkarrekin emanaldi akustikoa eskainiko dute. Emarock kontzertuetako argazkiekin erakusketa egiteko proposamenetik abiatuta jaio zen eta proiektuaren inguruko guztiak Saioa Cabañas (Gauilunak) argazkilariak azaldu dizkigu.

    - Nola sortu zen Emarock?Kontzertuetako argazkiekin Eibarren, Karrika tabernan erakusketa...


  • Pello Zabala, meteorologoa: "Tenporetan ez nuen sinesten. Gero ikasi dut interpretatzen"

    Pello Zabala, Urko Aristirekin batera, gurean izango dira gaur (martitzena, hilak 20), “Udarik izango al dugu?” hitzaldia eskaintzen. ...eta kitto!-k antolatutako ekitaldia arratsaldeko 19.00etan hasiko da gure lokalean (Urkizu, 11) eta sarrera librea izango da. Hori dela-eta, Pello Zabalarekin izan gara, hitzaldirako motorrak berotzen hasteko. Arantzazuko fraideak gaur egun Debagoienean egiten ditu eguneroko aurrerapenak, eta asteroko pronostikoak eskaintzen ditu Euskadi Irratian zapatuero. ETB-n tenporen berri ematea debekatu zioten eta sasoi batean baino lasaiago dabil orain: egunero zazpi aldiz ematen zuen eguraldiaren berri eta 700 egunez jarraian ematera heldu zen, inongo atsedenik hartu barik.

    - Nondik nora joko duzue Urko Aristik eta zuk zeuk hitzaldian?Hor bertan moldatuko gara, jendeak...


bajar

Blog-ak

Kudeaketa

Diseinua eta gauzatzea

Laguntzailea