2014ko Urriak 31, Ostirala. 11:00


BILATZAILEA


PUBLIZITATEA

IRATI ANDA: “Bizitza ulertzeko modua da eskalada niretzat”

Eskaladaren, mendiaren, naturaren eta, orokorrean, kirolaren zaleek zita daukate martxoaren 6an, martitzena, Portaleko areto nagusian 19.00etan. Irati Andak ‘Hamarkada bat harkaitz artean’ diaporama eskainiko du ...eta kitto! Euskara Elkartearen Illunabarrian programaren barruan, eta eskaladaren bitartez bizi izandakoa kontatuko du, besteak beste.

-Noiz hasi zinen paretean gora egiten?
10-11 urte nituenean hasi nintzen eskalatzen ikastolako mendi taldean. Eskolaz kanpoko ikasgai bezala eskaintzen zen mendi jarduera eta, mendira joateaz gain, eskalatzera ere joaten ginen. Horrela, anaia Egoitzi esker, bera lehenago hasi baitzen, zaletzen joan nintzen pixkanaka.
-Zer da eskaladak ematen dizuna?
Hainbeste urteren ostean, dena ematen dit. Niretzat ez da izan praktikatzeko jarduera bakarrik, bizitza ulertzeko modua baizik. Momentu bakoitzean modu batean bizi izan dut eskalada, eta gaur egunean oraindik horren inguruan nabil bizitzen eta gozatzen.
-Eskalada zein zentzutan hartzen duzu: lehiaketa moduan, plazer bezala, afizio hutsa…?
19 urtetan eskalada modu askotan hartzeko denbora ematen du. Hasieran hobby moduan hartzen nuen, gero afizioa bizimodu bilakatu zen, eta baita ogibide ere. Gaur egunean ez nabil lehiaketetan murgilduta, baina prestatzaile moduan nabil, lehiaketa bat edo beste prestatzen… Momentu bakoitzean modu ezberdinean bizi izan dut eskalada, hura maitatuz eta baita batzutan gorrotatuz ere. Azken finean, nire bizitza eskaladaren inguruan ibili da hein handi batean.
-Sufritua ere izango da grabitatearen legearen aurka jotea.
Kirol nahiko gogorra da, atzamarrek, eskuek eta besoek asko sufritzen dutelako. Lesio asko egoten dira, azaleko minak, eta abar. Baina beste alde batetik, oso kirol polita da. Naturarekin izan dezakezun kontaktu hori oso berezia da, harkaitz batera igo eta atzera begiratze. Apur bat bohemioa izan daiteke guzti hori, baina landa berdeak, zuhaitzak edo itsasoa ikusteak aurreko gogortasun hori samurtzen du. Era berean, kirolaren gogortasunak norbera gogortzen du. Zerbait lortzeko sufritzen duzunean, garaipena lortzen baduzu, gehiago disfrutatzen duzu.
-Eskaladak emandako zein momenturekin geratuko zinateke?
Zaila da aukeratzen. Momentu bat aukeratzeagatik, eskalatu ondorengo solasaldiak aukeratuko nituzke. Pasio bat konpartitzen duzun pertsona batekin horrelako solasaldiak edukitzea aukeratuko nuke, batzutan apur bat fanatikoak badira ere (barreak).
-Non eskalatzen duzu gustorago: rokodromoan edo harkaitzean?
Harkaitzean. Beste zerbait eskaintzen dizu arrokak. Aspaldian ez naiz harkaitz artean ibili, baina joaten naizenean uste dut rokodromoan baino gehiago gozatzen dudala. Rokodromoan aritzea gustatzen zait, nola ez, baina harkaitzak duen puntua oso polita da.
-Zein duzu toki kuttunena eskaladarako?
Toki bakoitzak bere xarma dauka, baina Apellanizeko ingurunea udazken partean, hostoak erortzen direnean, oso polita egoten da. Gainera, etxetik hurbil daukat, beraz, toki hori aukeratuko nuke.
-Katuak, sokak eta magnesioa albo batera lagata, ‘Conquistador del fin del Mundo’ saioan ere hartu zenuen parte. Nolako esperientzia izan zen?
Esperientzia ona izan zen, ezberdina eta berezia. Asko gustatzen zait lehiatzea eta frogetan oso gustora aritu nintzen. Jendearekin, eguneroko bizitzan bezala, batzuekin besteekin baino hobeto moldatu nintzen. Bestetik, telebistarako muntaia ikusten duzunean (irudiak hartu, aukeratu, moztu…) harritu egiten zaitu. Harrigarria da nola irudi bat testuingurutik ateratzeak eta musika jakin bat ipintzeak nolako aldaketa ematen dion zuk han bizi izandakoari eta jendeak hori jasoko duen mezuari. Alde horretatik, amorrua ematen du pixka bat, baina banekien zer aurkitu nezakeen bertan.

HAUTESKUNDEAK 2012

Elkarrizketak

subir

  • Silvia Perez Cruz, abeslaria: "Zuzenekoaren arriskuzalea izan naiz beti"

    Abeslari handia izango dugu azaroaren 8an Coliseoan, 20.30etan eskainiko duen kontzertuan. Gironan jaiotako Silvia Perez Cruzek Las Migas taldearekin hasi zen musika munduan geroago bakarlari ibilbideari heltzeko. Orain dela hiru urte berak grabatutako “En la imaginacion" (Contrabaix / Karonte) diskoak unibertsala egin zuen, jazza eta Kubako musika latindarra lagun. Ordutik izarra da estatuko firmamentoan eta, urte osoa hartuta badu ere, tartea egin du Eibarrera etortzeko. Sarrerak 15 euro balio du eta kontzertuak ordu eta erdi iraungo du gutxi gorabehera.

    - Zelako kontzertua eskainiko duzu Eibarren? Erabakita duzu abestu beharrekoa?“Entre cuerdas”...


  • Leire Morketxo, kooperantea: "Batzen dugun diruarekin Peruko nekazariei lagunduko diegu"

    Zapatuan, hilaren 18an, Alboan, Egoaizia eta Aldatzen-en eskutik Jana ez da txantxa goiburuari jarraituta herri bazkari solidarioa egingo da Untzagan, hainbaten laguntzarekin. Bidezko merkataritzako osagaiak erabilita, eguerditik aurrera 400 lagunendako jatekoa prestatzen ibiliko dira. Jendea bazkarian parte-hartzera animatu nahi dute, bertan batzen duten diruari esker Peruko nekazariei laguntzeko proiektuak garatzen jarraitzeko aukera izango dute eta.

    - Nolatan bururatu zaizue horrelako ekitaldia antolatzea?Batetik gure moduko elkarteek beti...


  • Miren Narbaiza, Napoka Iria: "Gaurkoa berezia izaten ahalegindu gara"

    Orain dela hamar urte sortu zen Napoka Iria, Ander Mujika eta Miren Narbaizaren eskutik eta gaur Arnasten ikasteko berriz estudioko lanik berriena etxean aurkeztuko dute, Coliseo antzokiak 20.30etatik aurrera hartuko duen emanaldian. Napokako kide biei laguntzeko, gainera, luxuzko gonbidatu bi izango dira eszenatokian: musika elektronikoan oso ezaguna den Aitor Etxebarria eta Norman taldeari ahotsa ipintzen dion Beñat Narbaiza.

    - Nolakoa izango da gaurko kontzertua?Batez ere gure disko berriena, orain dela urtebete inguru...


  • Kike Amonarriz, soziolinguista: "Diskurtsoak eta praktikak, biak izan behar dira berriak euskeraren inguruan"

    Kike Amonarriz tolosarrak hitzaldia eskainiko du datorren eguaztenean (urriaren 15ean), 19.00etan hasita, ...eta kitto! Euskara Elkarteak Urkizun dituen lokaletan. XXI. mendeko euskaldunak: nola aldatu(ko) diren gauzak, kamarada! izenburua izango duen saioan, ohikoa duen baikortasuna erabiliko du euskararen gaur egungo egoera aztertzeko. Soziolinguista “denoi dagokigun” aldaketen aldekoa da, batez ere “belaunaldi bat joan eta beste ziklo baten aurrean gaudenean”. Dena dela, Amonarrizek onartzen du euskararen ingurukoa ezin dela “botoi bat sakatuz” konpondu. Bidean asmatu beharra ikusten du.

    - Zer adierazi nahi duzu hitzaldiaren izenburuarekin? Nondik nora jotzeko asmoa duzu saioan?Argi...


  • Gorka Errasti, udaleko inmigrazio teknikaria: "Etorkin gehienak, geure moduan, euren lanetik bizi dira"

    Asteleheneko bere hitzaldiak zabaldu ditu udaleko Inmigrazio alorrak eta Mugak-Gipuzkoako SOS Arrazakeriak-ek antolatutako Aurreiritzi eta estereotipoak desegiten II. Jardunaldiak. Datorren martitzenean Pepe Oleaga EHU-ko soziologoak Inmigrazioa: estereotipotik xenofobiara hitzaldia emango du eta hilaren 22an SOS Arrazakeriako Agustin Unzurrunzagak Aurreiritziak, baztertzea, arrazakeria eta muturreko eskuinak izenburukoa (biak 18.30etan, Portalean). Eta hilaren 29an mahai-ingurua hartuko du udaletxeko patioak. Horrekin batera, Zurrumurruak desegiten erakusketa ikus daiteke Untzagako jubilatu etxean, astegunetan 19.15etatik 21.15etara eta asteburuetan 12.00etatik 14.00etara.

    - Zein da zuk egiten duzun beharra?Udalaren Inmigrazio alorra 2004an sortu zen eta 2008az...


  • Iñigo Retegi (Arkigreen ): "Inbertsio txikia eginda asko hobetu daiteke"

    Arkitekto Teknikoa eta eraginkortasun energetiko eta erabilera berriztagarrien arloetan aditua da Iñigo Retegi. Arkitektuak Europako Batzordeko Enpresa eta Industriako Zuzendaritza Nagusian eta Belgikan jardun du beharrean eta, gaur egun, Jon Beneitez eta Nagore Fernandez arkitektuekin batera, Arkigreen proiektuan dihardu. Eguaztenean Madrilen egon zen Innpulso Sareko Ekintzaileen I. Topaketan eta horren berri eman digu.

    - Nolatan joan zara Madrilgo jardunaldi horretara?Innpulso Sareak antolatuta, ekintzaileak eta...


  • Iratxe Unanue (Aza Ta Porrua): "Produktu ekologikoek ondo jaten dugun segurtasuna ematen digute"

    Bihar (zapatua, hilak4) Debabarreneko Azoka Ekologikoa hartuko du Urkizuko parkeak hirugarrenez, Eibarko Udalak, Debemenek eta Biolurrek antolatuta. Azokako postuak hartuko dituen karpara doazenek gure herrian eta ingurukoetan modu naturalean ekoitzen diren produktuak ezagutu eta erosteko aukera izango dute goiz osoan. Eta arratsalderako, berriz, dastaketa saioa antolatu dute. Aurtengo egitaraua biribiltzeko, antolatzaileek bisita bi prestatu dituzte. Biharko azokan parte hartuko duen Aza Ta Porrua elkartearen berri eman digu bazkideetako batek.

    - Beste urteetan bezala, aurten ere azokan izango zarete. Zer eskainiko duzue?Elkarteak...


  • Egoitz Zapiain, kalitate arduraduna: "Sagardoaren kalitate gorenarekin batera dignifikazioa lortu nahi dugu"

    Urriaren 4an ospatuko den Sagardo Egunak hainbat berritasun dauzka aurten. Izan ere, aurretik girotzen joateko ekitaldi bi antolatu ditu …eta kitto! Euskara Elkarteak. Batetik, zapatu eguerdian Sagardo Egunaren inguruko erakusketa zabalduko da Untzagako jubilatu etxean. Urriaren 3ra arte, azken urteotako argazkiak eta sagardoa egiteko prozesuarekin lotutako azalpenak eta beste bitxikeriak ikusteko aukera egongo da, bihar eta etzi 12.00etatik 14.00etara eta aste barruan, berriz, 19.15etatik 21.15ak bitartean. Eta urriaren 1ean, eguaztenean, 19.00etan sagardo dastaketa egingo da Iruki sagardotegian, Egoitz Zapiain, Astigarragako Zapiain sagardotegiko kalitate arduradunarekin (izen-ematea doan, 943200918 telefonora deituta, hilaren 29ra arte, gehien jota 20 lagun onartuko dira).

    - Nolako saioa eskainiko duzu eguaztenean?Hiru edo lau sagardo mota eramateko asmoa daukat....


  • Gorka Tagle, Kantabriako Etxea: "Abesbatzako kideak Lambrettetan jaitsiko dira bihar"

    Bihartik (zapatua, hilak 13) aurrera Kantabriako Etxekoek Bien Aparecida amabirjinaren jaiak ospatuko dituzte eta, urteroko moduan, Kantabria aldeko musika eta bestelakoekin gozatzeko aukera egongo da herritik irtetzeko premia izan barik. Horiek antolatzen jardun duen lantaldeko kidea den Gorka Taglek kontatu dizkigu jaiaren nondik norakoak.

    - Zer prestatu duzue aurtengo jaietarako?Bihar arratsaldetik ekingo diogu egitarauari, 19.00etan...


  • Aiora Renteria (Zea Mays): "Indarrez beteriko kontzertua eskainiko dugu"

    - Nolako uda ari da izaten? Kontzertu asko ematen zabiltzate? Uda potentea izan dugu eta oraindik...


bajar

Blog-ak

Kudeaketa

Diseinua eta gauzatzea

Laguntzailea