ASIER MORENO: “Borondate onaz gain gutxieneko ezagutzak behar dira” | Elkarrizketak | Berriak | ...eta kitto! Euskara Elkartea
- ...eta kitto!
- Nortzuk gara
- Komunikabideak
- Bertso taldea
- Euskara zerbitzuak
- Kulturgintza
- Berbetan
- Egin zaitez bazkide
- ETA KITTO!
- Berriak
- Elkarrizketak
- ASIER MORENO: “Borondate onaz gain gutxieneko ezagutzak behar dira”
2012ko Maiatzak 18, Ostirala. 11:00
BILATZAILEA
PUBLIZITATEA
ASIER MORENO: “Borondate onaz gain gutxieneko ezagutzak behar dira”
Prebentzioa istripuak gutxitzeko eta gaixotasunak agertzea sahiesteko gako nagusiena delako, DYAk ‘Osasuna eta Istripuen Prebentzioaren astea’ antolatu du Eibarren aste honetan. Egunero ikastaro bat egin da eta zapatuan moto istripu baten simulazioa egingo da 11.00etatik 12.00etara.
-Osasun eta istripuen astea jarriko duzue martxan Eibarren. Zein da ekimenaren helburua?
Aste hau antolatzearen helbura ahalik eta pertsona kopuru handienari gaixotasunak eta istripuak saihesteko bideak irakastea da, eta ekidin ezin izan diren kasuetan, hau da, istripu bat edo gaixotasun bat sortzen direnean, horien aurrean jokatzeko oinarrizko jardunbideak ezagutaraztea. 39 urtez larrialdiez arduratzeak zera erakutsi digu: prebentzioa dela gako nagusiena istripuak gutxitzeko eta gaixotasunak saihesteko.
-Aurretik egin duzue gauza bera beste herriren batean? Horrela bada, nolako harrera izan du?
2009. urtetik DYA Gipuzkoako Irakaskuntza Eskolak biztanleria osoari zuzendutako proiektu berri bat jarri zuen martxan: herri desberdinetan doako jarduerak burutzea, hala nola, era askotako gaien inguruko hitzaldiak, simulakroak, eta abar, osasun ezagutzak gizarteratzeko nahiarekin.
Harrera ona izaten ari diren jardunaldi hauetara, istripuen eta gaixotasunen aurreko jokabideen edo norbere osasunaren inguruko jakinmina zein kezkak dituzten pertsonak hurbiltzen dira. Bertan, prebentzioaz gain, norbere burua osasuntsuago zaintzeko jarraibideak ikasten dituzte, era desberdinetako istripu eta gaixotasunen aurrean nola erantzun eta zein sorospen eman azaltzen da.
-Herritarrak, normalean, prest daude istripuei aurre egiteko?
Oro har jendeak borondate ona agertzen du istripu baten aurrean eta laguntzeko asmoa du. Baina borondate onaz gain gutxieneko ezagutzak behar dira.
Kaltetua izan den pertsonaren egoera okertuko duen ezer ez dela egin behar da argi izan behar den lehendabiziko gauza. Baina lehenengo laguntza kualifikatua heldu arte gauza asko egin daiteke: lekua babestu beste inor zauritua gerta ez dadin (kotxeko triangeluak jarri, nork bere segurtasun-txalekoa jantzi,…); 112 telefonora hots egiterakoan informazio zuzena emateko, aurretik datuak bildu behar dira: zer pasa den, zenbat diren zaurituak, zein den leku zehatza, zein egoeratan dauden, ea. Behin aurreko pausoak emanda, unean uneko lehen sorospenak eman ditzakegu.
-Prebentzioari buruz arituko zarete ikastaroetan, baina zein puntutara arte prebenitu daiteke istripu bat?
Istripu batean alderdi askok eragiten dute, eta egia da alderdi horietako batzuk ezin ditugula kontrolatu. Baina arriskuak ahalik eta gutxien izan daitezen, gure eskuetan dagoena egin behar dugu: kotxean goazela, adibidez, abiadura egokia eraman, gidatzeko gaitasuna gutxitzen duen substantziarik ez kontsumitu, haurrak kotxean doazenean ondo finkatuta eraman, segurtasun distantzia mantendu, mugikorra edo GPS-arekin arretarik ez galdu, ea. Beraz, gure eskutan dauden alderdiak ezagutu behar ditugu, horiek praktikan jarrita istripua izateko arriskua gutxitzen delako.
-Larunbatean, 18an, moto baten istripuaren simulazioa egingo duzue. Nolakoa izango da saioa?
Moto istripu baten eszena prestatuko dugu eta anbulantziako dotazioak nola jokatzen duen ikusi ahal izango du gerturatzen denak. Larunbateko 11:00etan bertaratzen direnek kaskoa erabiltzearen garrantzia ikusiko dute, baita kaskoa eramanda edo eraman gabe zein ondorio jasango diren argituko da. Era berean, anbulantziakoek lanean ari direnean nola lagundu dakiekeen eta mota honetako istripu batean jarraitu beharreko segurtasun zein sorospen jarraibideak azalduko dira.
-Neguan gaudelarik, azken asteotan hotza, elurra, haizea eta izotza izan ditugu gurean. Istripu gehiago gertatzen dira sasoi honetan?
Bai. Horrelako denboraleak datozenean errepidea arriskutsu bihurtzen da: izotz-plakak agertzen dira, elurrak gidatzea zailtzen du, ikuspena murrizten da ea. Horrelako egoeretan gidatzera ohituta ez gaudenez, gure ibilgailua ez dugu uste bezain ondo kontrolatzen eta lehen aipatu ditugun arriskuak handitzen dira. Elurteak iristen direnean ohikoa izaten da ibilgailuak errepidetik ateratzea eta frenatzerakoan aurreko kotxearekin talka egitea. Horrelako garaietan, kotxea ezinbesteko egoeretan baino ez erabiltzea gomendatzen da. Kasu honetan prebentzioa besteen artean honakoan datza: behar denean kateak jartzea, kotxea erregaiaz beteta edukitzea, mugikorraren bateria kargatuta izatea, errepideen egoerari adi egotea, ea.
Berri erlazionatuak
Iritzia eman:
0 iritzi eman dira
Iragarki laburrak
HAUTESKUNDEAK. Eibarren PSE-k irauten du, hala eta gustiz ere.
Elkarrizketak
-
EDU MURUAMENDIARAZ: “Argentinan negarrez amaitu genuen saioa”
Dantzaren bidez mina, tristura, atsekabea, ezintasuna… ekarriko du Aukeran dantza konpainiak Coliseora. ‘Gernika’ ikuskizuna eskainiko dute bihar 23.00etan eta bizkaiako herrian 1937an jasandako bondardaketa da islatuko dena. Eibarrekin lotura estua duen Edu Muruamendiaraz da saioaren zuzendari eta koreografoa.
-Nola liteke dantza den gauza eder baten bitartez, bonbardaketa bezalako gauza krudel bat...
-
EKHI ZUGASTI“Ondo pasatzeko sortu genuen eMePebo5t”
Saxofoia, txirula irlandarra eta, Untzagan orain dela aste bi eskainitako kontzertuaz geroztik, dultzaina jotzen du Ekhi Zugastik eMePebo5t taldean. Urtebete darama martxan (eta doan tokira doala martxa eskaintzen) talde eibartarrak, rockmeria plazarik plazara eramanez.
-Zer moduz egon zen joan den asteko Untzagako kontzertua?Oso ondo. Demaseko ilusioa geneukan...
-
NEREA GOMEZ: “Umeena oso publiko zorrotza da”
Astebete darama martxan Eskolarteko Antzerki Jardunaldiak eta hurrengo ikuskizun profesionala astelehenean egingo da 15.00etan Hezkuntza Esparruan. Madrileko Manten Niditosen eskutik ’Lucia la maga’ egongo da ikusgai eta aktoreen artean eibartar bat egongo da: Nerea Gomez.
-‘Lucía la maga’ antzezlana aurkeztuko duzue Hezkuntza Esparruan. Zertan datza...
-
KOLDO ZUAZO: “Gaurko euskalkiak Erdi Aroan sortutakoak dira”
‘Arabako euskara’ tituludun liburua kaleratu du Koldo Zuazo hizkuntzalariak. Urteetako lanaren ondorio da lana eta euskararen gainean ikuspegi berriak igortzen ditu bertan eibartarrak. Besteak beste, Arabako euskara bizkaieraren aitzindaria dela aipatzen du.
-'Uztaro' aldizkarian "Euskara Araban" ikerketa kaleratu zenuen, 'Arabarrak Euskararen Herrian'...
-
IRENE SACEDA: “Edozein musika estilotan abesten dut gustora”
Bere ahotsak ETB 1eko ikusle guztiak liluratu zituen joan den zapatuan. Irene Saceda Kantuan saioan aritu zen eta Vivo per lei abestia kantatu zuen telebista saioa. Italanieraz! 13 urteko neskatoak bere talentua erakusteko aukera bikaina izan zuen, eta ez da telebistan ikusiko dugun azken aldia izango.
-Joan den asteburuan ETB 1eko Kantuan saioan aritu zinen. Zer moduz?Oso ondo. Hasiera batean...
-
JOSE BENITO RUIZ: “Artearen historiari berraztertzea egingo diot”
Natura inork ez bezala islatzen du bere argazkietan Jose Benito Ruizek. Maila internazionalean izen handia duen argazkilaria da alakantekoa eta Argazkilaritza Maiatzeanen ekimenez gurean izango da tailer bat eskaintzeko maiatzaren 19an. Konposizioaz arituko da goiz eta arratsaldez emango den ikastaroan.
-Eibarren argazkilaritza ikastaroa eskainiko duzu. Zertaz arituko zara?Argazkilaritzaren...
-
VIRGINIA BOLLAIN: “Tailerretan izkutatzen ginen bonbardaketetan”
Gerra bat ez da ahazten. Ezin da ahaztu. Hitzez zaila da horrelako egoera batean gertatzen dena azaltzea, sentimenduak dira orduan bizitakoa ondoen islatzen dutenak. Antonio Sarasketa eta Virginia Bollainek Gerra Zibila bizi zuten, eta bereak eta bi egin behar izan zuten handik bizirik irtetzeko. Atzera begirada egin dute orain eta hurrengo lerroetan euren bizipenak kontatu dizkigute.
-Nola gogoratzen duzu gerraren hasiera?Ni San Andres pasealekuan bizi nintzen eta 1936ko...
-
ANTONIO SARASKETA: “Urkizu aldean babeslekuak egiten ibili nintzen”
Gerra bat ez da ahazten. Ezin da ahaztu. Hitzez zaila da horrelako egoera batean gertatzen dena azaltzea, sentimenduak dira orduan bizitakoa ondoen islatzen dutenak. Antonio Sarasketa eta Virginia Bollainek Gerra Zibila bizi zuten, eta bereak eta bi egin behar izan zuten handik bizirik irtetzeko. Atzera begirada egin dute orain eta hurrengo lerroetan euren bizipenak kontatu dizkigute.
-Nola bizi izan zenuen Untzagan jaso zenuen omenaldia?Batzokian txikitatik egon naiz sartuta,...
-
IMANOL ABAD: “Marka gehienek, publizitatearekin, tontotzat tratatzen gaituzte”
Mikel Cortes, Sebastian Gomez eta Ane Aranbururekin batera Breaking Molds komunikazio agentzia osatzen du Imanol Abad eibartarrak. 1985ko belaunaldiko semea, bere bidea egiten dihardu eta ez lukeela aldatuko onartzen du. Moldeak apurtzen doa, bitartean, bidearen sorkuntza horretan.
-Nola eta noiz sortu zen Breaking Molds?Kasualitate puntua izan zuen. Mikel eta biok Trourist...
-
JAVIER FERNANDEZ: “El Cordobes izan da toreatzaile fotogenikoena”
Zezenenganako afizio zoroa izan duela aitortzen du Javier Fernandez. Zezenketak antolatu ditu, toreatzen aritu izan da eta Peña Taurina Pedrucho Eibarresako presidentea izan da hainbat urtetan. Domekan ondo merezitako omenaldia jasoko du lagunartearen eskutik Chalchan egingo den bazkarian.
-Zer suposatzen du zuretzat Peña Taurina Pedrucho Eibarresaren aldetik omenaldia...
Blog-ak
Kudeaketa
Diseinua eta gauzatzea
Laguntzailea
