ARRATE MALLABIABARRENA: “Finantziazio ezagatik ikerketa zientifiko asko geldiarazi dira” | Elkarrizketak | Berriak | ...eta kitto! Euskara Elkartea
- ...eta kitto!
- Nortzuk gara
- Komunikabideak
- Bertso taldea
- Euskara zerbitzuak
- Kulturgintza
- Berbetan
- Egin zaitez bazkide
- ETA KITTO!
- Berriak
- Elkarrizketak
- ARRATE MALLABIABARRENA: “Finantziazio ezagatik ikerketa zientifiko asko geldiarazi dira”
2012ko Maiatzak 18, Ostirala. 11:00
BILATZAILEA
PUBLIZITATEA
ARRATE MALLABIABARRENA: “Finantziazio ezagatik ikerketa zientifiko asko geldiarazi dira”
Argazkia: Vicens Gimenez.
Nafarroako Unibertsitatean Biologian lizentziatua, San Diegora egin zuen jauzia Arrate Mallabiabarrenak 1995. Bartzelonan irakasle bezala aritu eta berriz Kaliforniara bueltatu ostean, berriz ere Bartzelonan dihardu lanean eibartarrak, zehazki, Bartzelonako Erregulazio Genetikoko Zentroan.
-Bartzelonako Erregulazio Genetikoko Zentroan (EGZ) biologoa zara, baina zein da zehazki zure betebeharra han?
EGZko Mikroskopia Optika Aurreratuko Unitatean egiten dut beharra. Diseinu esperimentalean euskarria eta ditugun mikroskopia ekipamenduen erabileran formakuntza eskaintzea da nire betebehar nagusia.
-Munduko hiru mikroskopio handienetariko bat darabilzu eskuetan. Zer suposatzen du zuretzat?
Mikroskopio handienaren kontzeptua nahiko erlatiboa da. Daukaguna da mikroskopio konfokal biren aparteko konfigurazioa, fotoi bateko laserez gain, euren artean multifotoi laserra elkarbanatzen dutena. Ekipoa instalatu zenean, 2009ko urrian, horrelako konfigurazio konplexu eta aurreratua zuen lehen zentrua ginen.
-Zer ikustarazi dezake mikroskopio horrek, beste batzuek ikustarazi ezin dutena?
Multifotoi mikroskopio baten erabilera nagusia da sakon dauden gauzak ikusi daitezkeela eta, gainera, denbora luzeagoz. Hau da, kalte gutxiago egiten duen argidun iturri bat erabiltzea gauzak denbora gehiagoz edo sakonago ikusteko. Hori oso garrantzitsua da ikusten ditugun gauzak biziak direnean. Gaur egun, Super Bereizmeneko beste ekipo bat daukagu (Espainian bi daude bakarrik) eta gauzak askoz ere txikiago ikusten laguntzen digu (zuzenago esanda, oso hurbil dauden gauza bi ikustea uzten digu).
-Amerikako Estatu Batuetatik (AEB) etorri zinen EGZn lan egitera. Zergatik itzuli zinen? Nolakoa izan zen AEBtako esperientzia?
San Diegora (Kalifornia) 1995ean joan nintzen doktoratu ondoko beka batekin eta Kaliforniako Unibertsitateko Biologia Zelulareko Departamenduan (UCSD) lan egin nuen lau urtez. 1999an Bartzelonako Pompeu Fabra Unibertsitatera etorri nintzen irakasle elkartu bezala lan egiteko bost urtez. Gero, 2005an, San Diegora bueltatu nintzen lau urterako eta 2009az geroztik EGZan dihardut lanean. San Diego toki ederra da, bai bizitzeko, bai zientzia maila altuan egiteko. Lehen aldian arrazoi profesionalengatik bueltatu nintzen; bigarrenean, aldiz, pisu gehiago izan zuten arrazoi pertsonal eta familiakoek.
-Alde handia dago Kalifornian lan egitearen eta, kasu honetan, Bartzelonako EGZn egitearen aldean?
Egia esan, kasu zehatz honetan, ez dago alde handirik UCSD eta EGZren artean. EGZ atzerriko ikerlarien etortze handiena duen Espainiako I+G zentrua da. Ikerlarien hartu-eman handia dago. Horrek izpiritu gazte eta internazionala ematen dio beti zentroari. Maila profesionalean gure ekoizpen eta ezagueraren arabera gara ebaluatuak, eta horrek jendea lehiatzera eta duen guztia ematera behartzen du. Hemen ez du balio “nik nire plaza daukat eta orain atsedena hartu dezaket” kontzeptuak.
-Zein da zientziaren egoera Espainian?
Urte batzuk gehiago iraungo duen momentu oso txarrean aurkitzen gara. Denetarako dirurik ez badago, lehentasunak jarri eta diru hori non gastatu erabaki beharko da. Eguzki eta hondartzaren herrialdea izan gaitezke, edo I+Gan inbertitu. Nire botuak zerbaitetarako balioko balu, bigarren aukerarekin geratuko nintzateke.
-Krisiak ikerketa zientifikoko prozesuak geldiarazi ditzake?
Geldiarazi ditu jada! Finantziazio ezagatik proiektu eta ikerketa lerroak gelditu behar izan dituzten ikerlari asko dago.
“Oso oroitzpen onak ditut Eibarren gainean”
-AEBn eginduzu lan eta, orain Bartzelonan. Eibar faltan botatzen duzu?
Egia esan, ezin dut esan Eibar faltan botatzen dudanik. 18 urterekin Iruñara ikastera joan nintzen eta, ordutik, Eibarren egon naizen bakoitzean denbora laburrerako izan da. Hala ere, oso oroitzpen onak ditut Eibarren gainean eta maite dudan pertsona asko dago han. Familia kontuengatik, Euskadira noan bakoitzean Lekeitiora noa, baina denbora edo aitziakiaren bat badut, Eibartik pasatzen naiz. Ilusio handia egiten dit jende ezaguna ikusteak.
-Beti izan duzu argi biologoa izatea nahi zenuela?
Egia esan, ez. Zientziaren gaineko ikasketak egitea nahi nuen eta biologia beti gustatu izan zait. Karreran zehar jo nuen biologiaren ikerlari arlorantz.
-Etorkizunean posible ikusten duzu zure lana, Eibarren ez bada, Euskal Herrian egitea?
Egia esan, Eibarren zail edo ezinezkotzat jotzen dut. Baina CIC-Biogune edo Ikerbasquek Euskadin bultzatzen dituen beste zentru batzuetan, zergatik ez? Ez nuke arazorik izango. Euskadi asko ari da laguntzen eta inbertitzen ikerkuntzan, emaitza positiboekin gainera.
Berri erlazionatuak
Iritzia eman:
0 iritzi eman dira
Iragarki laburrak
HAUTESKUNDEAK. Eibarren PSE-k irauten du, hala eta gustiz ere.
Elkarrizketak
-
EDU MURUAMENDIARAZ: “Argentinan negarrez amaitu genuen saioa”
Dantzaren bidez mina, tristura, atsekabea, ezintasuna… ekarriko du Aukeran dantza konpainiak Coliseora. ‘Gernika’ ikuskizuna eskainiko dute bihar 23.00etan eta bizkaiako herrian 1937an jasandako bondardaketa da islatuko dena. Eibarrekin lotura estua duen Edu Muruamendiaraz da saioaren zuzendari eta koreografoa.
-Nola liteke dantza den gauza eder baten bitartez, bonbardaketa bezalako gauza krudel bat...
-
EKHI ZUGASTI“Ondo pasatzeko sortu genuen eMePebo5t”
Saxofoia, txirula irlandarra eta, Untzagan orain dela aste bi eskainitako kontzertuaz geroztik, dultzaina jotzen du Ekhi Zugastik eMePebo5t taldean. Urtebete darama martxan (eta doan tokira doala martxa eskaintzen) talde eibartarrak, rockmeria plazarik plazara eramanez.
-Zer moduz egon zen joan den asteko Untzagako kontzertua?Oso ondo. Demaseko ilusioa geneukan...
-
NEREA GOMEZ: “Umeena oso publiko zorrotza da”
Astebete darama martxan Eskolarteko Antzerki Jardunaldiak eta hurrengo ikuskizun profesionala astelehenean egingo da 15.00etan Hezkuntza Esparruan. Madrileko Manten Niditosen eskutik ’Lucia la maga’ egongo da ikusgai eta aktoreen artean eibartar bat egongo da: Nerea Gomez.
-‘Lucía la maga’ antzezlana aurkeztuko duzue Hezkuntza Esparruan. Zertan datza...
-
KOLDO ZUAZO: “Gaurko euskalkiak Erdi Aroan sortutakoak dira”
‘Arabako euskara’ tituludun liburua kaleratu du Koldo Zuazo hizkuntzalariak. Urteetako lanaren ondorio da lana eta euskararen gainean ikuspegi berriak igortzen ditu bertan eibartarrak. Besteak beste, Arabako euskara bizkaieraren aitzindaria dela aipatzen du.
-'Uztaro' aldizkarian "Euskara Araban" ikerketa kaleratu zenuen, 'Arabarrak Euskararen Herrian'...
-
IRENE SACEDA: “Edozein musika estilotan abesten dut gustora”
Bere ahotsak ETB 1eko ikusle guztiak liluratu zituen joan den zapatuan. Irene Saceda Kantuan saioan aritu zen eta Vivo per lei abestia kantatu zuen telebista saioa. Italanieraz! 13 urteko neskatoak bere talentua erakusteko aukera bikaina izan zuen, eta ez da telebistan ikusiko dugun azken aldia izango.
-Joan den asteburuan ETB 1eko Kantuan saioan aritu zinen. Zer moduz?Oso ondo. Hasiera batean...
-
JOSE BENITO RUIZ: “Artearen historiari berraztertzea egingo diot”
Natura inork ez bezala islatzen du bere argazkietan Jose Benito Ruizek. Maila internazionalean izen handia duen argazkilaria da alakantekoa eta Argazkilaritza Maiatzeanen ekimenez gurean izango da tailer bat eskaintzeko maiatzaren 19an. Konposizioaz arituko da goiz eta arratsaldez emango den ikastaroan.
-Eibarren argazkilaritza ikastaroa eskainiko duzu. Zertaz arituko zara?Argazkilaritzaren...
-
VIRGINIA BOLLAIN: “Tailerretan izkutatzen ginen bonbardaketetan”
Gerra bat ez da ahazten. Ezin da ahaztu. Hitzez zaila da horrelako egoera batean gertatzen dena azaltzea, sentimenduak dira orduan bizitakoa ondoen islatzen dutenak. Antonio Sarasketa eta Virginia Bollainek Gerra Zibila bizi zuten, eta bereak eta bi egin behar izan zuten handik bizirik irtetzeko. Atzera begirada egin dute orain eta hurrengo lerroetan euren bizipenak kontatu dizkigute.
-Nola gogoratzen duzu gerraren hasiera?Ni San Andres pasealekuan bizi nintzen eta 1936ko...
-
ANTONIO SARASKETA: “Urkizu aldean babeslekuak egiten ibili nintzen”
Gerra bat ez da ahazten. Ezin da ahaztu. Hitzez zaila da horrelako egoera batean gertatzen dena azaltzea, sentimenduak dira orduan bizitakoa ondoen islatzen dutenak. Antonio Sarasketa eta Virginia Bollainek Gerra Zibila bizi zuten, eta bereak eta bi egin behar izan zuten handik bizirik irtetzeko. Atzera begirada egin dute orain eta hurrengo lerroetan euren bizipenak kontatu dizkigute.
-Nola bizi izan zenuen Untzagan jaso zenuen omenaldia?Batzokian txikitatik egon naiz sartuta,...
-
IMANOL ABAD: “Marka gehienek, publizitatearekin, tontotzat tratatzen gaituzte”
Mikel Cortes, Sebastian Gomez eta Ane Aranbururekin batera Breaking Molds komunikazio agentzia osatzen du Imanol Abad eibartarrak. 1985ko belaunaldiko semea, bere bidea egiten dihardu eta ez lukeela aldatuko onartzen du. Moldeak apurtzen doa, bitartean, bidearen sorkuntza horretan.
-Nola eta noiz sortu zen Breaking Molds?Kasualitate puntua izan zuen. Mikel eta biok Trourist...
-
JAVIER FERNANDEZ: “El Cordobes izan da toreatzaile fotogenikoena”
Zezenenganako afizio zoroa izan duela aitortzen du Javier Fernandez. Zezenketak antolatu ditu, toreatzen aritu izan da eta Peña Taurina Pedrucho Eibarresako presidentea izan da hainbat urtetan. Domekan ondo merezitako omenaldia jasoko du lagunartearen eskutik Chalchan egingo den bazkarian.
-Zer suposatzen du zuretzat Peña Taurina Pedrucho Eibarresaren aldetik omenaldia...
Blog-ak
Kudeaketa
Diseinua eta gauzatzea
Laguntzailea
