Garapen Pertsonala Azoka Untzagako karpan

Zapatuan eta domekan, 11.00etatik 14.00etara Garapen Pertsonala Azoka hartuko du Untzagako karpak, pertsonaren garapenari laguntzeko herrian dagoen eskaintza ezagutzera emateko. Parte hartuko dutenek, euren postuan informazioa emateaz gain, hainbat tailer eta jarduera osagarri prestatu dituzte. Zapatuko eskaintzan hauek daude: "Mindfulnes" (Adhara Zentrua, 11.15-12.00); "K-Strech erakusteko tailerra" (Isasi masaje zentrua, 12.15-13.00); eta "Nola irakurri etiketa nutrizionala" (Nutrieibar, 13.15-14.00). Eta domekan: "Laztan tailerra" emango du Haurraren-helduaren psikologia gabineteak (11.15-12.00); "Motibaziorako energia" (Akorde Coaching, 12.15-13.00); eta "Entzun zure gorputzari zoriontsu izateko" (Isasi masaje zentrua, 13.15-14.00). Egun bietan, 11.00etatik 14.00etara "Haurrentzako tailerra" emango dute Miriam eta Amaia Psikopedagogia zentrokoek.